Tanzania ni nchi yenye vivutio vingi vya utalii,
Mojawapo ni mbuga za wanyama, Ukiangalia katika hifadhi zetu za taifa utaona wanyama wa aina mbalimbali wakirandaranda humo,
Baadhi ya wanyama hao ni Twiga, Tembo, Pundamilia, Swala, Simba, Nyumbu na wengine wengi.
Nchi yetu imekuwa ikivutia watalii wengi kuja kuitembelea mara kwa mara na kuongeza pato la taifa katika sekta ya utalii,
Ni vizuri na sisi wenyewe tukitembelea kwa utalii wa ndani ili kuongeza pato la taifa letu,
Tazama hizi ni baadhi ya picha kidogo tu za wanyama waliopo kwenye hifadhi zetu za taifa
Hapo sokwe anakula matunda
Huyu ni Tembo akiwa kwenye hifadhi huwa anapendeza sana muonekano wake
Hawa pundamilia wapo sehemu mojawapo ya mbuga za wanyama mistari yao ya rangi nyeupe na nyeusi huonekana kama imechorwa na binaadamu
Huyu ndege ni mmojawapo tu wa ndege ambao hupendelea kuishi kwenye hifadhi zetu za taifa pia inasemekana hupenda kula masalia ya nyama zilizoachwa na simba
Kima hupendelea sehemu zenye miti iliyoziba
Twiga ni wanyama wenye shingo ndefu ambazo husababisha kuwaona kwa urahisi hata ukiwa mbali
Simba wanaopanda kwenye miti pia hupatikana kwenye baadhi ya hifadhi zetu
Simba huyu mkubwa akiwa kwenye mbuga za wanyama
Tazama hawa simba wanavyo mrarua huyo nyumbu utaona ni jinsi gani simba walivyo na nguvu
Nyumbu pia wakati mwingine huwa na nguvu ya kumshinda simba
Ukitembelea katika hifadhi za taifa utaweza kujionea na Nyati pia
